Дахин боловсруулах хог хаягдал худалдан авах 30 цэгийн байршил

Монголын мэдээ | Нийгэм
ulzii@montsame.mn
2019-04-20 11:54:44

Улаанбаатар /МОНЦАМЭ/. “Их хотын Их цэвэрлэгээний 90 минут” уриатай бүх нийтийн хаврын их цэвэрлэгээ Улаанбаатар хот даяар өнөөдөр болж байна.

 

Цэвэрлэгээг нийслэл даяар 11 цагт эхлүүлсэн бөгөөд үүнд ААН, байгууллагууд 90 минутын турш ойр орчмынхоо хог хаягдлыг цэвэрлэж, хана, фасад, цонх, хаяг, сандал, хогийн сав, үүд довжоогоо угааж, засварлаж, гадна талбайгаа чийгшүүлж байгаа юм.

 

Энэ жилийн их цэвэрлэгээний үеэр 9 дүүргийн хэмжээнд нийт 30 байршилд дахин боловсруулах хог хаягдлыг урамшуулалтай үнээр худалдаж авна. Мөн нийт 15-20 тонн дахин боловсруулах хог хаягдал худалдаж авахаар төлөвлөжээ.

 

Иргэд цуглуулсан хог хаягдлаа дараах 30 цэгт тушаах боломжтой юм. Ихэнх цэгүүд дахивар нөөцийг худалдан авч буй дундаж үнэ:

 

Хөнгөн цагаан лааз кг нь 1500 төгрөг

Гялгар уут, пакет кг нь 400 төгрөг

Ундаа, усны сав кг нь 300 төгрөг

Пивоны шил ширхэг нь 800 төгрөг

Архины шил ширхэг нь (төрлөөс нь хамаарч) 20-200 төгрөг

Зөөлөн хуванцар кг нь 300 төгрөг

Төмөр, метал кг нь 200 төгрөг гэх мэт үнэтэй байна.


Дахивар нөөц худалдан авах байршлын мэдээлэл



Холбоотой мэдээ