Сар бүрийн эхний долоо хоногийн бямба гарагийг гэр бүлийн өдөр болгоно

Орон нутагт | Орхон
orkhon@montsame.mn
2019-05-15 09:47:49
oyuka_hu@yahoo.com

Орхон /МОНЦАМЭ/ “Гэр бүлийн өдөр”-ийг тохиолдуулан аймгийн ЗДТГ, Монголын эмэгтэйчүүдийн холбооны Орхон аймаг дахь салбар, ГБХЗХГ, “Эрдэнэт үйлдвэр” ТӨҮГ  хамтран “ Мянган гэр бүл”-ийн чуулган, “Аз жаргалтай гэр бүл” тайван жагсаал зохион байгууллаа.

“Мянган гэр бүл” чуулганы үеэр аймгийн Засаг дарга Д.Батлут, сар бүрийн эхний долоо хоногийн бямба гарагийг Эрдэнэт хотын хэмжээнд гэр бүлийн өдөр болгохоор шийдвэрлэснээ хэллээ. Харин тухайн өдөр хотын хэмжээнд архи, согтууруулах ундаа худалдан борлуулахыг хориглох, автомашингүй өдөр болгох, байгууллагууд ажилчдаа амралтын өдөр ажиллуулдаггүй байх шийдэл, санааг Орхон аймгийн Эмэгтэйчүүдийн зөвлөлөөс дэвшүүлсэн юм.

Дашрамд дурдахад, НҮБ-аас жил бүрийн тавдугаар сарын 15-ныг “Гэр бүлийн өдөр” болгон тэмдэглэх шийдвэр гаргасны дагуу Монгол Улс уг өдрийг 14 дэх жилдээ тэмдэглэж байна.

 

 

Холбоотой мэдээ