БНСУ-д коронавирусээр халдварласан хүний тоо 600 давжээ

Дэлхийд | Эрүүл мэнд
Jargal.d@montsame.mn
2020-02-23 21:12:25

СӨҮЛ. /Yonhap/. БНСУ-д коронавирусний халдварын 46 тохиолдол  шинээр илэрч, халдвар авсан нийт хүний 602 болж нэмэгдсэн тухай тус улсын Эрүүл мэндийн яамны дэргэдэх Өвчинд хяналт тавих, урьдчилан сэргийлэх төв /KCDC/ мэдээлжээ. 


БНСУ-ын Ерөнхийлөгч Мүн Жэ Ин халдварт өвчний аюулын хамгийн өндөр буюу “улаан” түвшнийг зарласан байна. 


KCDC-ийн мэдээлснээр, шинэ тохиолдлуудын 24 нь Дэгү хотод илэрсэн бол үлдсэн нь янз бүрийн бүс нутагт бүртгэгджээ. Халдвар авсан 5 хүн нас барж, 18 өвчтөн эмнэлгээс гарсан байна. Одоогоор 8057 хүний шинжилгээний хариу гараагүй бөгөөд халдвар авсан нийт хүний 20 нь Дэгү хотын сүмтэй холбоотой аж. Орон нутгийн эрх баригчид уг сүмийн цуглаанд явдаг 9336 хүнийг гэрт нь тусгаарлаж, хөл хорионд оруулсан байна. Эдгээр хүний 1276-д нь вирусний халдварын шинж тэмдэг илэрчээ.

Холбоотой мэдээ