Согтуу жолооч осол гаргаж хоёр хүүхдээ бэртээжээ

Монголын мэдээ | Хууль
munkhbaatar@montsame.gov.mn
2020-05-30 12:16:52
@s_munkhbaatar

Улаанбаатар /МОНЦАМЭ/. Согтуугаар тээврийн хэрэгсэл жолоодсоны улмаас хамт зорчиж явсан 2, 5 насны хоёр хүүхдээ хүнд бэртээсэн хэрэг өчигдөр гарчээ.


Тодруулбал, Сонгинохайрхан дүүрэгт байдаг Ар гүнтээр Партизан явах замд Субару Импреза загварын тээврийн хэрэгсэл замын чиглүүлэгч бетон шон мөргөж онхолдсон байна. Тухайн автомашины жолооч Д нь 1.26% согтолттой байсан бөгөөд хамт зорчиж явсан түүний 2-5 насны хоёр хүүхэд цонхоор шидэгдэн хүнд бэртгэж ГССҮТ-д хүргэгджээ. 


Согтуугаар тээврийн хэрэгсэл жолоодохгүй байхын зэрэгцээ хурд хэтрүүлэхгүй, замын хөдөлгөөний дүрмийг чанд сахихыг Тээврийн цагдаагийн албанаас анхааруулж байна. 

Холбоотой мэдээ