Хувьцаат компаниудын үнэт цаасны ангиллыг шинэчлэн тогтоов

Монголын мэдээ | Эдийн Засаг
192@montsame.mn
2020-07-09 15:33:52

Улаанбаатар /МОНЦАМЭ/. Монголын Хөрөнгийн бирж Үнэт цаасны бүртгэлийн журмын дагуу бүртгэлтэй хувьцаат компанийн үнэт цаасны ангиллыг шинэчлэн тогтоолоо.  

Тодруулбал, үнэт цаасны I дүгээр ангилалд "Түмэн шувуут", Монос хүнс", "Хөвсгөл алтан дуулга" ХК-иуд шинээр дэвшин оров. Бүртгэлийн II дугаар ангилалд "Инвескор ББСБ", "Тээвэр-Дархан", "Монгол даатгал", "Монгол шевро", "Нэхээсгүй эдлэл" ХК зэрэг компани шинээр орлоо. 


Үнэт цаасны I дүгээр ангилалд "Түмэн шувуут", Монос хүнс", "Хөвсгөл алтан дуулга" ХК-иуд шинээр дэвшин оров.



Харин бүртгэлийн II дугаар ангиллаас "Мерекс", "Нако түлш", "Ногоон хөгжил үндэсний нэгдэл", "Хөх ган" ХК-иуд ангилал буурч III дугаар ангилалд оров.

Монголын Хөрөнгийн биржид бүртгэлтэй компаниудыг үйл ажиллагаа, ашиг, орлого, үнэт цаасны арилжааны идэвх, компанийн засаглал зэргээр ангилдаг. Дээрх үзүүлэлтүүдээр тэргүүлэгч компаниудыг I дүгээр ангилалд хамруулдаг. 

Холбоотой мэдээ