“Microsoft” компани “TikTok”-ын үйл ажиллагааг худалдан авахаар төлөвлөж байна

Дэлхийд | Эдийн Засаг
nyamtulga@montsame.gov.mn
2020-08-03 16:30:51
twitter.com/Nyamkanmk

ВАШИНГТОН. /ВВС/. БНХАУ-ын “TikTok” хавсралтын АНУ дахь үйл ажиллагааг худалдан авах хэлэлцээрийг үргэлжлүүлнэ гэж “Microsoft” компани мэдэгдлээ.


"АНУ-ын “Microsoft” компанийн тэргүүн Сатя Наделла өнгөрсөн ням гарагт уг асуудлаар АНУ-ын Ерөнхийлөгч Дональд Трамптай ярилцсан бөгөөд Ерөнхийлөгчийн санаа зовниж буй уг асуудлыг зохицуулахад өндөр ач холбогдол өгч байна гэж мэдэгдэлд онцлон тэмдэглэжээ.


Мөн “Microsoft” компани уг хавсралтын аюулгүй байдлын хяналт шалгалтыг хийж, АНУ-д өгөх эдийн засгийн үр өгөөжийн үнэлгээг Засгийн газарт гаргаж өгнө гэж мэдэгдэв.


АНУ-ын технологийн тэргүүлэгч “Microsoft” компани 9 дүгээр сарын 15-н гэхэд уг хавсралтыг эзэмшигч “ByteDance” компанийн удирдлагуудтай хэлэлцээгээ бүрэн эцэслэхээр төлөвлөсөн байна.


“Microsoft”-ийн мэдэгдэлд дурдсанаар, тус компани “TikTok” хавсралтын АНУ, Канад, Австрали, Шинэ Зеланд дахь үйл ажиллагааг худалдан авахаар төлөвлөжээ.


Холбоотой мэдээ