Визний шаардлагаас харилцан чөлөөдөх хэлэлцээрийг албажуулах талаар ярилцав

Монголын мэдээ | ГХЯ-ны мэдээ
munkhbaatar@montsame.gov.mn
2020-08-07 13:20:40
@s_munkhbaatar

Улаанбаатар /МОНЦАМЭ/. Монгол Улсаас Бүгд Найрамдах Куба Улсад суугаа Онц бөгөөд Бүрэн эрхт Элчин сайд Ш.Батцэцэг энэ сарын 06-нд Бүгд Найрамдах Перу Улсаас Бүгд Найрамдах Куба Улсад суугаа Онц бөгөөд Бүрэн эрхт Элчин сайд Гуидо Октавио Торо Корнехотой уулзав.


Элчин сайд нар энгийн паспорт бүхий иргэдийг визний шаардлагаас харилцан чөлөөлөх тухай Засгийн газар хоорондын хэлэлцээрийг ойрын үед албажуулах, олон талт хамтын ажиллагааны хүрээнд хамтран ажиллах, хоёр талын бизнес эрхлэгчдийн санал, санаачлагыг дэмжих зорилгоор Худалдаа аж үйлдвэрийн тахимуудыг холбож өгөх зэрэг асуудалаар санал солилцов.


Уулзалтын эцэст Элчин сайд нар хоёр талын хамтын ажиллагааг бэхжүүлэх чиглэлээр идэвхи санаачлагатай хамтран ажиллахаар тохиролцов.

Холбоотой мэдээ