Банкны төлбөр тооцооны талаар нийтлэг асуултад хариуллаа

Монголын мэдээ | Эдийн Засаг
oyundelger@montsame.gov.mn
2020-11-14 13:52:47

Улаанбаатар /МОНЦАМЭ/. Гамшгаас хамгаалах бүх нийтийн бэлэн байдлын зэрэгт шилжсэн үед Монголбанкнаас банкны төлбөр тооцоотой холбоотой гарч буй нийтлэг асуултад хариуллаа.

 

1.Төлбөр тооцоог хэвийн, тасалдахгүй хийх үү?

Монголбанк нь банк хоорондын бага дүнтэй төлбөр тооцоо буюу 3 сая төгрөгөөс доош дүнтэй гүйлгээг 24/7 буюу тасралтгүй үргэлжлэх зарчмаар, харин их дүнтэй төлбөр тооцоо буюу 3 саяаас дээш дүнтэй гүйлгээг ажлын өдрүүдэд 09:00-16:30 цагийн хооронд дамжуулдаг.  Иймд цар тахлын үед ч төлбөр тооцооны системүүд хэвийн горимоор ажиллах тул  бэлэн мөнгөөр дамжин халдварлах эрсдэлээс сэргийлж, бэлэн бус төлбөр тооцоо буюу карт, интернэт, мобайл гүйлгээг өргөнөөр ашиглахыг зөвлөж байна.


2. Банк хоорондын их дүнтэй гүйлгээг ямар цагт хийх вэ?

-Банк хоорондын их дүнтэй гүйлгээний систем болох “Банксүлжээ” систем ердийн цагийн хуваарийн дагуу буюу 09:00-16:30 цагийн хооронд тогтмол хэвийн ажиллана. Банкууд хэрэглэгчийн их дүнтэй гүйлгээ хийх хүсэлтийг хүлээн авснаас хойш 1 цагийн дотор тухайн гүйлгээг дамжуулах үүрэгтэй тул энэ зарчмаар ажиллана.


3. Цахим банк ашигладаггүй байгууллага, аж ахуйн нэгж, хувь хүн банкны үйлчилгээг яаж авах вэ?

Тухайн банкны хэрэглэгчээр бүртгүүлсэн бол банкныхаа лавлах үйлчилгээний утсанд холбогдож цахим банк хэрэглэх заавар зөвлөгөөг авах боломжтой. 


4. Гадаад төлбөр тооцоог яаж хийх вэ ?

Гадаад төлбөр тооцоог банкууд өөрсдийн системээр дамжуулдаг тул үүнтэй холбоотой асуудлаар банкандаа хандаж, тодруулга мэдээлэл авч гадаад гүйлгээг хийх боломжтой.


5. Онлайнаар зээл олгох уу?

Зарим хэлбэрийн зээлийг цахимаар авах боломжтой.


Дэлгэрэнгүй мэдээллийг харилцагч банкиндаа хандаж, тодруулга мэдээлэл авна уу.

Банкуудын харилцах үйлчилгээний лавлах утас:  

ХХБ - 18001977, 19001977, www.tdbm.mn

Хаан банк – 18001917, www.khanbank.mn

Голомт банк – 70111646, 18001646, www.golomtbank.mn

Төрийн банк – 18001881, www.statebank.mn

Хас банк – 18001888, 75771888, www.xacbank.mn

Капитрон банк – 18002020, www.capitronbank.mn

Ариг банк – 70133060, www.arigbank.mn

Богд банк – 75771199, www.bogdbank.mn

Тээвэр хөгжлийн банк – 77169999, www.transbank.mn

Үндэсний хөрөнгө оруулалтын банк – 18001188, www.nibank.mn

Чингис хаан банк -  18001300, www.ckbank.mn

Кредит банк -  18001808, 70101808, 11319038, www.creditbank.mn

Хөгжлийн банк – 70130516, 70130513, www.dbm.mn

Холбоотой мэдээ