Шинээр 32 аварга малчин тодорлоо

Орон нутагт | Сүхбаатар
odonchimeg@montsame.mn
2021-01-25 16:37:32

Сүхбаатар /МОНЦАМЭ/. 2020 онд тус аймгаас аймгийн аварга малчин шинээр 32 тодорчээ. 13 сумаас нийт 40 гаруй малчны материал ирсэн бөгөөд аймгийн Засаг даргын 2015 онд баталсан журмын дагуу 26 шалгуур үзүүлэлтээр аварга малчдыг шалгаруулсан гэж аймгийн ХААГ-аас мэдээллээ.

Онгон сумаас хамгийн олон буюу дөрвөн малчин аваргаар тодорсон бол Наран, Мөнххаан, Асгат, Дарьганга, Сүхбаатар сум тус бүр гурав, Баяндэлгэр, Баруун-Урт, Эрдэнэцагаан, Түвшинширээ, Уулбаян, Халзан сум хоёр, Түмэнцогт сумаас нэг малчин шинээр аварга малчны болзлыг хангажээ.

Аварга малчдын шагналыг сар шинийн баярын өмнө аймгийн удирдлагууд малчны хотонд нь очиж гардуулан өгөх аж. 

Холбоотой мэдээ