Цагаан сарын баярыг тэмдэглэхгүй байх захирамж гаргав

Орон нутагт | Баянхонгор
munkhzul@montsame.mn
2021-01-26 11:34:43

Баянхонгор /МОНЦАМЭ/. Улаанбаатар хотод коронавируст халдварын тархалт буурахгүй байгаа тул аймагт зөөвөрлөгдөн орж ирэх эрсдэлээс урьдчилан сэргийлэх зорилгоор Баянхонгор аймгийн хэмжээнд Цагаан сарын баярыг тэмдэглэхгүй байх аймгийн Засаг даргын захирамж гарлаа.

Гамшгаас хамгаалах тухай хуулийн 27 дугаар зүйлийн 27.1.1.32 дугаар зүйлийн 32.1.1, Засгийн газрын 2021 оны 02 дугаар тогтоол зэргийг үндэслэн аймгийн Засаг даргын 2021 оны А/02 дугаар захирамж, аймгийн Онцгой комиссын 05 дугаар хуралдаанаар тухайн шийдвэрийг гаргасан байна.

Захирамжаар, иргэд шаардлагагүй тохиолдолд голомттой бүс нутагт зорчихыг хязгаарлаж, халдвар хамгааллын дэглэмийг чанд баримтлуулан ажиллахыг Цагдаагийн газар, Мэргэжлийн хяналтын газар, Эрүүл мэндийн газар, сумдын Засаг дарга нарт тус тус үүрэг болгожээ.

Холбоотой мэдээ