Улсын хэмжээнд 1,5 сая хүнд шинжилгээ хийжээ

Монголын мэдээ | Улс төр
ariunbold@montsame.mn
2021-01-27 11:21:07

Улаанбаатар /МОНЦАМЭ/. Засгийн газрын өнөөдрийн ээлжит хуралдаанаар "COVID-19" цар тахлын нөхцөл байдлын талаарх холбогдох албаныхны танилцуулгыг сонсов.


Коронавирусний халдвар нийслэлээс орон нутагт тархах эрсдэл "Өндрөөс дээш" гэсэн үнэлгээ гарсан байна. Өнөөдрийн байдлаар улсын хэмжээнд түргэвчилсэн оношлуураар 526 мянга, PCR аппаратаар 981 мянга буюу нийт 1,5 сая гаруй мянган хүнд шинжилгээ хийсэн. Нийслэлийн 31 тусгаарлах байранд Монгол Улсын 1693, гадаадын дөрөв, орон нутгийн нэг байранд зургаан иргэнийг тусгаарлаад байна. Тусгай үүргийн 119 нислэгээр 21 716, газраар 6 643, нийт 28 359 иргэнээ татаж авчээ. Ирэх сард БНСУ руу хоёр, БНТУ, Япон Улс руу тус бүр нэг удаа нислэг үйлдэх юм. Вакцин авах, хадгалах, түгээх, дархлаажуулалт хийх зэрэгтэй холбоотой бэлтгэлээ хангаж байгаа аж.

Холбоотой мэдээ