Нийслэлд 39 цэгт “COVID-19”-ийн эсрэг дархлаажуулалт хийж байна

Монголын мэдээ | Эрүүл мэнд
bolor@montsame.mn
2021-02-26 12:27:19

Улаанбаатар /МОНЦАМЭ/.  Нийслэлийн хэмжээнд “COVID-19”-ийн эсрэг дархлаажуулалтыг нийт 39 цэгт хийж байна.

 

Вакциныг гурван дарааллаар хийж байгаа бөгөөд нэгдүгээрт, вакцин хийлгэхийн өмнө хүлээлгийн өрөөнд эмчид үзүүлнэ, хоёрдугаарт, дархлаажуулалт хийнэ, гуравдугаарт, дархлаажуулалт хийлгэсний дараа 30 минут эмчийн ажиглалтад байна. Иймээс дархлаажуулалт хийлгэж байгаа хүнд бусад товлолын вакциныг бодвол удаан хугацаа шаардаж байгааг ЭМЯ-ны ахлах шинжээч Д.Нарангэрэл өнөөдрийн хэвлэлийн хурлын үеэр дурдлаа.

 

Иргэд  вакцин хийлгэсний дараа вакцин хийлгэсэн газрыг маажиж хөндөхгүй, хоёр хоног усанд орохгүй, дулаан хувцаслах, архи тамхи хэрэглэхгүй байхыг тэрбээр зөвлөв.

 

COVID-19”-ийн эсрэг дархлаажуулалт хийх цэгүүдийн байршил:

 

Багануур дүүрэг                    ЭМТ-ийн PCR лабораторийн өрөө, Биваагарьд ӨЭМТ, Ач элбэрэл ӨЭМТ

 

Багахангай дүүрэг                ЭМТ-ийн нэгдүгээр давхар

Баянгол дүүрэг                     Ахмадын эмнэлэг 7,8-р давхарт, Хүүхдийн эмнэлэг

Баянзүрх дүүрэг                   Улсын Хоёрдугаар төв эмнэлэг ,Цэргийн төв эмнэлэг, Хүүхдийн эмнэлэг, Нэгдсэн эмнэлэг,                                                                 поликлиник

Налайх дүүрэг                      ЭМТ-ийн хуучин поликлиникийн байр, Хүүхдийн эмнэлэг

Сонгинохайрхан дүүрэг        ЭМТ-ийн дархлаажуулалтын өрөө, 2 салбар амбулатори, 3 салбар амбулатори

Сүхбаатар дүүрэг              ЭМТ-ийн дархлаажуулалтын өрөө, Нийслэлийн түргэн тусламжийн төв

Хан-Уул дүүрэг                      ЭМТ, ЭХЭМҮТ, Яармагийн салбар

Чингэлтэй дүүрэг                 ЭМТ-ийн поликлиник, Хүүхдийн амбулатори, ХӨСҮТ, Улсын Хоёрдугаар төв эмнэлэг, Өргөө,                                                   Хүрээ, Амгалан амаржих газар



Холбоотой мэдээ