Филиппинд Өмнөд Африкт анх илэрсэн хувилбараар халдварласан тохиолдлууд бүртгэгджээ

Дэлхийд | Нийгэм
khulan@montsame.gov.mn
2021-03-02 16:10:15

МАНИЛА. /The Guardian/. Өмнөд Африкт анх илэрсэн коронавирусний шинэ хувилбараар /B.1.351/ халдварласан анхны тохиолдлууд бүртгэгдлээ гэж Филиппинийн Эрүүл мэндийн яам өнөөдөр мэдээлэв.


“B.1.351” хувилбар нь одоогоор гарган аваад буй вакцинуудын үр дүнг бууруулж буй байдал ажиглагдаад байгаа тул эрүүл мэндийн байгууллагын мэргэжилтнүүд ихээхэн санаа зовниж байна.


Эрүүл мэндийн яамны мэдээлснээр, шинэ хувилбараар халдварласан зургаан тохиолдлын гурав нь дотоодод халдварласан бол хоёр нь хилийн чанадаас ирсэн иргэд байжээ. Харин үлдсэн нэг тохиолдлыг хаанаас халдвар авсныг нь тогтоохоор ажиллаж байгаа ажээ.


“COVID-19”-ийн вакцинжуулалтын хөтөлбөрийг даваа гаргаас эхлүүлсэн Филиппинд 578 381 хүн коронавирусээр халдварлаж, 12322 хүн нас барсан байна. 

Холбоотой мэдээ