Хөвсгөлд хоёр удаа хүчтэй газар хөдлөв

Орон нутагт | Хөвсгөл
gantuyaB@montsame.mn
2021-03-31 12:32:58

Хөвсгөл /МОНЦАМЭ/. Хөвсгөл аймагт өнөөдөр 8 цаг 01 минутад 5,5 магнитуд, 8 цаг 22 минутад 4,4 магнитудын хүчтэй 2 удаагийн газар хөдлөлт Хөвсгөл нуурт боллоо.  

Газар хөдлөлтийн чичирхийлэл Ханх сумын иргэдэд хүчтэй, тус аймгийн 10 гаруй сумын иргэд, Булган аймгийн зарим иргэдэд бага зэрэг мэдрэгдсэн боловч ямар нэгэн хохирол учраагүй байна. Тус аймагт нэгдүгээр сарын 12-нд 6,5 магнитудын хүчтэй газар хөдлөлт болсноос хойш 48815 удаагийн газар хөдлөлт бүртгэгджээ. Үүнээс иргэдэд мэдрэгдсэн буюу 3,5 магнитудаас дээш 187 удаагийн хөдлөлт болсон байна.

 

Холбоотой мэдээ