Орхон аймагт сүүлийн 24 цагт халдварын таван тохиолдол бүртгэгдлээ

Орон нутагт | Орхон
orkhon@montsame.mn
2021-04-12 18:03:49
oyuka_hu@yahoo.com

Орхон/МОНЦАМЭ/. Сүүлийн 24 цагт Орхон аймагт халдварын таван тохиолдол бүртгэгдэж, нийт халдварын тоо 180 боллоо. Шинээр батлагдсан 5 тохиолдлын хоёр нь Улаанбаатар хотоос зөөвөрлөгдөн ирсэн  бол 3 нь ойрын хавьтлаас илэрчээ. 

Өчигдөр 11 иргэн эдгэрч  гэрийн ажиглалтад шилсэн бол өнөөдөр  БОЭТ-д  51 хүн эмчлүүлж байна. Үүний  11 нь  хүүхэд, 40 нь насанд хүрсэн хүн байна. 

Халдвар батлагдсан иргэдийн насны бүлгээр ангилахад 31-45 насны иргэд ихээр өвчилж байгаа аж. Гэхдээ 45-аас дээш насны иргэд нэмэгдэх хандлагатай байна гэж  ЭМГ-ын дарга Д.Сүхээ хэллээ.

Хэвтэн эмчлүүлж байгаа иргэдээс 4 нь хүнд, 22 нь хүндэвтэр, 25 иргэн хөнгөн гэсэн оноштой байна. Биеийн байдал хүндэвтэр болон хүнд байгаа иргэд бүгд уушгины хатгаагаар давхар өвджээ. Мөн эдгээр иргэд  хавсарсан эмгэг өвчтэй тул биеийн байдал хүндэвтэр байгаа аж.

 

Холбоотой мэдээ