Флорида муж улсын захирагч онцгой байдал тогтоожээ

Дэлхийд | Нийгэм
Jargal.d@montsame.mn
2021-06-25 09:16:34

НЬЮ-ЙОРК. /СNN/. АНУ-ын Флорида муж улсын Серфсайд хотод орон сууцны барилга нурсны улмаас муж улсын захирагч захирагч Рон Десантис пүрэв гарагт онцгой байдал тогтоожээ.


Онцгой байдал тогтоосноор эрх баригчдад зарим нэмэлт санхүүжилт авах, аврах ажиллагаанд илүү их нөөцийг ашиглах боломжийг олгох юм. Тухайлбал, аврах ажиллагаанд АНУ-ын Үндэсний гвардийн цэргүүдийг оролцуулах боломжтой болно.


Пүрэв гарагт шилжих шөнө Серфсайд хотын 12 давхар орон сууцны барилга хэсэгчлэн нурсан байна. Албан ёсны мэдээллээр, нэг хүн амиа алдаж, 99 хүний ​​хувь заяа тодорхойгүй хэвээр байна. Одоогийн байдлаар нурангинд дарагдсан байж болзошгүй 102 хүний байршлыг тогтоожээ. Аврагчид 37 хүнийг нурангин дороос гаргаж чадсан байна. Ослын газарт тээврийн хэрэгслийн хөдөлгөөнийг хязгаарлаж, цагдаа, гал түймэртэй тэмцэх албаныхан ажиллаж байгаа аж.


Орон сууцны барилга нурсан шалтгааныг хараахан тогтоогүй байгаа бөгөөд аврах ажиллагаа дууссаны дараа шалгалт явуулахаар болсон байна.


Холбоотой мэдээ