Амжилт гаргасан тамирчдыг шагнан урамшууллаа

Орон нутагт | Өвөрхангай
batchimeg@montsame.mn
2021-09-23 16:15:01

Өвөрхангай /МОНЦАМЭ/. Аймгийн ИТХ-ын Тэргүүлэгчдийн 2019 оны 28 дугаар тогтоолоор “Спортын өндөр амжилт гаргасан тамирчин, дасгалжуулагч, баг, холбоодыг урамшуулах журам”-ыг баталсан. Энэ хүрээнд спортын 6 төрлийн тэмцээнд амжилттай оролцож, 120 гаруй медаль авсан 49 тамирчныг 11 сая, 460 мянган төгрөгөөр шагнан урамшууллаа.


Шагналыг аймгийн удирдлагууд гардуулан баяр хүргэв. Энэ онд Өвөрхангай аймгаас 10 гаруй тамирчин спортын мастер, дэд мастерын болзол хангажээ. Одоогоор чөлөөт бөхийн ДАШТ-д хоёр, жудо бөхийн залуучуудын ДАШТ-д хоёр тамирчин оролцох эрх авч, бэлтгэлээ хангаж байна. 

Холбоотой мэдээ