Мобиком корпораци боловсролын салбарт хөрөнгө оруулалт хийлээ

Орон нутагт | Өвөрхангай
batchimeg@montsame.mn
2021-10-28 09:27:23

Өвөрхангай /МОНЦАМЭ/. Технологийн хөгжилд тулгуурлан төрийн үйлчилгээг орон нутагт хурдан шуурхай явуулах, хөдөөгийн үүрэн холбооны хамрагдалтыг нэмэгдүүлэх зорилгоор аймгийн Засаг даргын Тамгын газар, Мобиком корпорацитай хамтран ажиллаж байна.

Энэ хүрээнд тус корпорацийн удирдлагын баг Өвөрхангайд ажиллаж, төрийн байгууллагынхантай уулзалт хийлээ. Мөн боловсролын тэгш байдлыг дэмжих зорилгоор хэрэгжүүлж буй “Smart education төсөлд Өвөрхангай аймгаас зорилтот бүлгийн 48 хүүхэд хамруулж, ухаалаг гар утас, дата зэрэг цахим хичээлд шаардлагатай зүйлсийг цогцоор нь бэлэглэхээр болов.

Түүнчлэн Арвайхээр сумын лаборатори "Мэргэд" сургуулийн сэтгэлзүйн танхимыг тохижуулах, шаардлагатай техник хэрэгслийг авахад Мобиком корпорациас таван сая төгрөгийн дэмжлэг үзүүллээ.

Холбоотой мэдээ