Өнөөдөр дэлхийн цусны донорын өдөр

Видео
montastudio@montsame.gov.mn
2017-06-14 16:10:54
Дэлхийн цусны донорын өдрийг монголчууд 14 дэх жилдээ тэмдэглэн өнгөрүүллээ. Цус сэлбэлт судлалын үндэсний төв, Монголын улаан загалмайн нийгэмлэг, ОБЕГ, Монголын донорын холбоо хамтран Үндэсний цэцэрлэгт хүрээлэнд өнөөдөр нээлттэй өдөрлөг зохион байгуулав.
“Бусдын төлөө та юу хийж чадах вэ” хэмээх асуулт бүхий тус өдрийг монголчууд энэ удаа “Өнөөдрөөс эхлэн тогтмол хугацаанд цусаа бэлэглэцгээе” уриан дор тэмдэглэж тогтмол хугацаанд цусаа бэлэглэдэг доноруудыг алдаршууллаа. Улаанбаатар хотын хэмжээнд энэ онд 52 хүн “Хүндэт донор” цолны болзол хангажээ. 2001 оноос тогтмол хугацаанд 200 гаруй удаа цусаа бэлэглэсэн 41 настай Д.Бум-Эрдэнийг өнөөдөр “Топ донор”-оор өргөмжилж цом гардуулав. 70-аас  дээш удаа цусаа өгсөн хүмүүсийг “Хүрэл донор”, 100-аас дээш удаагийнхыг “Мөнгөн донор”, 150-аас дээш өгөлттэй доноруудыг “Алтан донор” цол тэмдгээр алдаршуулан шагнадаг байна.
Өнгөрсөн онд Монгол Улсын хэмжээнд нийт 33000 орчим донор цусаа бэлэглэсэн байна. Манай улсад 2015 оны дөрөвдүгээр сарын 3-наас эхлэн сар бүрийн 3-ныг “Цусаа бэлэглэх өдөр” болгон зарласан билээ.
Холбоотой мэдээ
Сэтгэгдлүүд